თბილისის მოსახლეობისთვის მიწოდებული სასმელი წყლის ხარისხი საერთაშორისო სტანდარტებს შეესაბამება

თბილისი ევროპის იმ რამდენიმე დედაქალაქის რიცხვში შედის, სადაც ონკანიდან წამოსული წყლის სასმელად გამოყენება აბსოლუტურად უსაფრთხოა. ამაში განსაკუთრებული წვლილი მიუძღვის კომპანია "ჯორჯიან უოთერ ენდ ფაუერი" (GWP) ქიმიურ და ბაქტერიოლოგიურ ლაბორატორიებს, რომელიც თანამედროვე სტანდარტების შესაბამისად უწყვეტ რეჟიმში ფუნქციონირებს. ასეთი ლაბორატორიები განთავსებულია კომპანიის კუთვნილ ყველა სათავე ნაგებობაზე არაგვის ხეობასა (ნატახტარის, ბულაჩაურის და საგურამოს წყალსადენები) და თბილისში (ღრმაღელისა და სამგორის საფილტრე სადგურები). ხუთივე ლაბორატორიას კოორდინაციასა და კონტროლს უწევს ცენტრალური ლაბორატორია.

"ჯორჯიან უოთერ ენდ ფაუერი" (GWP) მოსახლეობას სასმელი წყლის უსაფრთხოების სრულ გარანტიას აძლევს. თბილისის მოსახლეობისათვის კომპანიის წყალსადენის სისტემით მიწოდებული სასმელი წყალი ეკოლოგიურად სუფთაა (და ამასთანავე ძალიან გემრიელი) და მისი მიღებისას არც ერთი მომხმარებლის ჯანმრთელობას არავითარი საფრთხე არ ემუქრება.

თბილისისთვის მისაწოდებელი სასმელი წყლის ხარისხი მუდმივად მოწმდება ავტომატურ რეჟიმში, ხოლო ყოველ საათში ერთხელ ის ლაბორატორიის სპეციალისტების მიერ კონტროლდება. მომხმარებლების ონკანებიდან წამოსული სასმელი წყალი მთლიანად აკმაყოფილებს სტანდარტებს, რაც თავისთავად გამორიცხავს სასმელ წყალში ნებისმიერი მავნე მიკრობის არსებობას.
მოსახლეობის უსაფრთხოების დაცვის მიზნით, სასმელი წყლის ხარისხის კონტროლი განსაკუთრებულად მკაცრდება ზაფხულის სეზონში. ამ დროს თბილისისთვის მისაწოდებელი სასმელი წყალი ლაბორატორიულ ტესტირებას ყოველ ნახევარ საათში ერთხელ გადის.

"ჯორჯიან უოთერ ენდ ფაუერის" (GWP) მიერ შეძენილი ფოლადის მილები დედაქალაქის სტაბილურ წყალმომარაგებას ნახევარ საუკუნეზე მეტხანს უზრუნველყოფს

კომპანია "ჯორჯიან უოთერ ენდ ფაუერი" (GWP) არაგვის ხეობაში მიმდინარე გეგმური სარეაბილიტაციო სამუშაოების ფარგლებში, ამორტიზირებული დიუკერებისა და მოძველებული კოროზირებული მილების ახლით შეცვლას აწარმოებს. ამ მიზნით კომპანიას უკვე შეძენილი აქვს მაღალი ხარისხის ფოლადის მილები, რომელიც თბილისის სტაბილურ წყალმომარაგებას ნახევარ საუკუნეზე მეტხანს უზრუნველყოფს.

"ჯორჯიან უოთერ ენდ ფაუერი" (GWP) მაღალი ხარისხის ფოლადის მილები თურქეთიდან შემოიტანა. მილების მინიმალური საგარანტიო ვადა 50 წელია. 

მიმდინარე სამშენებლო-სარეკონსტრუქციო პროცესს აკვირდებიან და კომპანიის ტექნიკურ სამსახურებს კონსულტაციებს უწევენ კომპანიაში სპეციალურად ამ მიზნით მოწვეული გერმანელი სპეციალისტები.

თბილისის რიგ უბნებს სასმელ წყალზე დაწესებული შეზღუდვები მოეხსნა

 წყალმომარაგებაზე დაწესებული 10-12 საათიანი შეზღუდვები (გრაფიკები) მოეხსნა და სასმელ წყალს შეუფერხებლად იღებს თბილისის რიგი უბნები და ქუჩები, კერძოდ:
• ვაკე-საბურთალოს რაიონში:
პეკინის, მგალობლიშვილის, ბუდაპეშტის, კანდელაკის, იოსებიძის, ზოვრეთის და მათი მიმდებარე ქუჩები;
დოლიძის, ჩიქოვანის (ხილიანი), ბალანჩივაძის და მათი მიმდებარე ქუჩები;

• ისან-სამგორის რაიონში:
აფრიკისა და მე-8 ლეგიონის დასახლებები;
სამგორში მდებარე მაღლივი კორპუსები, ჯავახეთის ქუჩა;

• გლდანი-ნაძალადევის რაიონში:
გლდანის დასახლების III, IIIა, IV, V, VI, VII, VIII მიკრორაიონები;
თემქის დასახლების III და XI მიკრორაიონები, I და II კვარტლები;
სანზონის ნაწილს, გუდამაყრის, ჭოპორტის, ჩარგლის, მუხრანის და მათი მიმდებარე ქუჩები;
დადიანის ქუჩის ზედა ნაწილი ხუდადოვის ქუჩამდე, არბოს ქუჩა და მიმდებარე ქუჩებით;
ილურიძის, ბეჟანიშვილის, ჯავის ქუჩების ქვედა ნაწილი მიმდებარე უბნებით;
დედაქალაქის ჩამოთვლილი უბნების უწყვეტი წყალმომარაგება შესაძლებელი გახდა  კომპანია "ჯორჯიან უოთერ ენდ ფაუერი" (GWP) მიერ დაგეგმილი კომპლექსური სარეაბილიტაციო სამუშაოების განხორციელების შედეგად.