ბაღის შესახებ 

მისამართი: ვაკე-საბურთალოს რაიონი, მიშველაძის ქ. N2 (ტელ: 222 55 02)

შენობა: 2 სართული, საერთო ფართი 2259, 08 კვ.მ.

ეზოს საერთო ფართი: 3706 კვ.მ.

სამუშაო საათები: 9:00-დან 18:00-მდე (ყოველდღე შაბათ-კვირის გარდა).

საზაფხულო არდადეგები: ივლისი და აგვისტო.

საბუთების მიღება: ბავშვის ბაღში მისაღებად საჭიროა დაბადების მოწმობის დედანი, ფოტო-სურათი, ჯანმრთელობის ცნობა, მშობლის განაცხადი  (საბუთების მიღება მთელი წლის განმავლობაში შეუზღუდავად წარმოებს).

ბაღის სპეციფიკა: ბაგა ბაღი

ბაღის ფუნქციები: ბაღში 9 ჯგუფი ფუნქციონირებს, თითოეულ მათგანზე ორი აღმზრდელი და ერთი თანაშემწეა გათვლილი. შუადღისას აძინებენ ბაგას და 3-4 წლიან აღსაზრდელებს.

საბავშვო ბაგა-ბაღი ,,ჩიორა” 1967 წელს აშენდა, ამავე წლიდან მოყოლებული ფუნქციონირებს. 2007 წელს გამოიცვალა სახურავი. იგეგმება სარემონტო სამუშაოების ჩატარებაც. ბაღი გაზიფიცირებული, მას გააჩნია საქვაბე.

ბაღი გათვლილი 195 ბავშვზე, ამჟამად ირიცხება 300 აღსაზრდელი.

ბაღის მეთოდოლოგია

ბაგა-ბაღი "ჩიორა" დღემდე ხელმძღვანელობდა 2000 წელს გამოცემული სახელმძღვანელოს ` საგანმანათლებლო პროგრამა სკოლამდელთათვის ~ მიხედვით. ჩვენ დღესაც ვაგრძელებთ ამ ტრადიციას, თუმცა ვნერგავთ გარკვეულ ცვლილებებს, რასაც დრო სჭირდება. განათლების სისტემაში მიმდინარე რეფორმამ, რომელიც ითვალისწინებს ბავშვზე, ანუ ინდივიდზე მორგებულ სწავლებას, ჩვენც გვაიძულა გარკვეულ წილად შევცვალოთ სწავლების ტრადიციული მეთოდები და დავნერგოთ სწავლების ახალი, ანუ ინტერაქტიული ფორმა.
მეცადინეობები ძირითადად მიმდინარეობს საგანმანათლებლო პროგრამის მიხედვით, მაგრამ ყველა ასაკობრივ ჯგუფში პედაგოგებს შეაქვთ ინტერაქტიული მეცადინეობები სხვადასხვა დისციპლინებში. ეს მეცადინეობა ტრადიციულისაგან განსხვავებით ყველა ბავშვს აძლევს საშუალებას ჩაერთოს საგანმანათლებლო პროცესში. ამ შემთხვევაში, სწავლების პროცესში არ გვყავს პასიური აღსაზრდელი.
მეცადინეობა მიმდინარეობს ოთხ ნაწილად: გამოწვევა, შინაარსთან ზიარება, გააზრება, რეფლექსია (შეჯამება).
აღმზრდელები ადგენენ ყოველკვირეულ გეგმა-კონსპექტებს, რომლის მიხედვითაც მიმდინარეობს მეცადინეობების ჩატარება.
ამ ეტაპისათვის რამდენიმე ჯგუფში ვმუშაობთ ახალი პროგრამის დანერგვაზე, რომლის სახელწოდებაა `ნაბიჯ-ნაბიჯ საერთაშორისო ასოციაციის პედაგოგიური სტანდარტები~, რისთვისაც ამ ჯგუფების პედაგოგები უკვე მზად არიან.
მომავალში ზემოთ აღნიშნულ მეთოდოლოგიას აუცილებლად შევათანხმებთ სახელმწიფოს მიერ შემუშავებულ ახალ პროგრამას, რომელიც მუშავდება სკოლამდელთათვის.

          ორშაბათი

• საუზმე: ორცხობილა, კაკაო;     
• სადილი: ბოსტნეულის წვნიანი ბრინჯით, ხაჭაპური;                 
• სამხარი: ვერმიშელის ფაფა რძით, კარაქი-პური, ჩაი;                          
  
  სამშაბათი
  
• საუზმე: ხაჭო, კარაქი-პური, ჩაი;
• სადილი: ბოსტნეულის წვნიანი მაკარონით, გუფთა, პური, კანფეტი;
• სამხარი: მანის ფაფა რძით, კარაქი-პური, ჩაი;
  
  ოთხშაბათი    
                         
• საუზმე: კარაქი-პური, ჩაი;       
• სადილი: ბორშჩი, შემწვარი ქათამი, პური, კანფეტი;  
• სამხარი: ვერმიშელის ფაფა რძით, კარაქი-პური, ჩაი;    

        ხუთშაბათი 

• საუზმე: წიწიბურა კარაქით, პური,ჩაი; 
• სადილი: ბოსტნეულის წვნიანი ბრინჯით, მაკარონი ხორცით, პური, ვაშლი;
• სამხარი: ხილფაფა, პური, კისელი; 

         პარასკევი

• საუზმე: კარაქი-პური, ყველი, ჩაი;
• სადილი: ბოსტნეულის წვნიანი ვერმიშელით, ლობიო, პური, ვაშლი;
• სამხარი: ჰერკულესის ფაფა რძით, ვაფლი, ჩაი;
  

დირექტორი

სახელი,გვარი:  ეკატერინე მაკარიძე
დაბადების ადგილი: ქ. თერჯოლა
დაბადების თარიღი: 12.11.1973 წ.
ოჯახური  მდგომარეობა: დაოჯახებული

განათლება: თერჯოლის N1 საშ. სკოლა (1990 წ.)
მუსიკალური შვიდწლედი  (1987 წ.)
საქართველოს დავით აღმაშენებლის სახელობის უნივერსიტეტი
ჰუმანიტარულ-ეკონომიკური ფაკულტეტის სრული კურსი სპეციალობით - ინჟინერ-ეკონომისტი (1997წ.)
თბილისის ივ. ჯავახიშვილის სახელობის უნივერსუიტეტის სამართალმცოდნეობის ფაკულტეტის 2 კურსი (2002 წ.)
სხვადასხვა დროს გაიარა-კომპიუტერისა და ინგლისური ენის შემსწავლელი კურსები.
თრენინგები "მართვისა და მენეჯმენტის სიახლეები"
პროფესიული უნარები და ფუნქციური წერა" (2007 წ)

პროფესიული გამოცდილება: მუშაობის გამოცდილება-საქართველოს იუსტიციის სამინისტროს სასჯელაღსრულების დეპარტამენტი, საფინანსო-სააღრიცხვო განყოფილება  ეკონომისტი (2002წ.)
შ.პ.ს. "თადაგი" ეკონომისტი (2002-2004წ
შ.პ.ს. "მაშავერა 2005" ჯერ ფინანსურ მენეჯერად , მოგვიანებით დირექტორად ( 2005-2007 წ)
საბავშვო ბაგ-ბაღი `ჩიორა~ დირექტორი (2007 წლის 24 სექტემბრიდან)

 

თანამშრომლები