განცხადებები

თბილისის მუნიციპალიტეტის მერიის აღმასრულებელ ორგანოთა სისტემაში მოხელეთა ვაკანტური თანამდებობების დასაკავებლად კონკურსი ცხადდება. შესაბამის ბრძანებას თბილისის მერმა, დავით ნარმანიამ ხელი დღეს, 1 დეკემბერს მოაწერა.

თბილისის მერის № 1900 ბრძანებით, თბილისის მუნიციპალიტეტის მერიის აღმასრულებელ ორგანოთა სისტემაში მოხელის ვაკანტურ თანამდებობათა დასაკავებლად, კონკურსი 2014 წლის 4 დეკემბრიდან ელექტრონულ მისამართზე: www.hr.gov.ge გამოცხადდება. განცხადებების წარდგენის ვადა 10 დღეა.

მერიის აღმასრულებელი ორგანოების სისტემის - ქალაქ თბილისის მუნიციპალიტეტის მერიის მოხელეთა საკონკურსო–საატესტაციო კომისიის მიერ კონკურსი მოხელეთა ვაკანტური თანამდებობების დასაკავებლად 3 ეტაპად ჩატარდება.

კონკურსის პირველი ეტაპია განცხადებების გადარჩევა, მეორე  ეტაპი - ტესტირება, მესამე ეტაპი – გასაუბრება.

კომისიის გადაწყვეტილებით, კონკურსის მეორე ეტაპის - ტესტირების მინიმალური გამსვლელი ზღვარი განისაზღვრა კონკურსანტის მიერ გაცემული სწორი პასუხების 75%-ით, ანუ 60 კითხვიდან არანაკლებ 45 სწორი პასუხის ოდენობით, ხოლო კონკურსის მესამე - გასაუბრების ეტაპზე, მინიმალური გამსვლელი ზღვარი განისაზღვრა საშუალო არითმეტიკული მაჩვენებლით არანაკლებ 3 ქულისა.
გასაუბრებაზე კონკურსის მონაწილის დაშვების ერთადერთი საფუძველია ტესტირების ეტაპზე მინიმალური გამსვლელი ზღვარის გადალახვა. კანდიდატი, რომელიც ტესტირების ეტაპზე ვერ გადალახავს მინიმალურ გამსვლელ ზღვარს, გასაუბრებაზე არ დაიშვება.

ინფორმაციას კონკურსის მე-2 და მე-3 ეტაპების - ტესტირებისა და გასაუბრების გამართვის დროისა და ადგილის თაობაზე თითოეულ კანდიდატს ეცნობება ინდივიდუალურად, ელექტრონული ფოსტისა ან/და მოკლე ტექსტური შეტყობინების მეშვეობით. 

დამატებითი ინფორმაცია იხილეთ ბმულზე:www.new.tbilisi.gov.ge/news/2043