განცხადებები

მიმდინარე წელს თბილისში შუქნიშნების 20 ახალი ობიექტი მოეწყობა, ხოლო ხუთს რეკონსტრუქცია ჩაუტარდება.

31 მაისამდე ახალი შუქნიშნები ამოქმედდება მისამართებზე:

• გურამიშვილის გამზირზე, N114 საჯარო სკოლის მიმდებარედ;
• გურამიშვილის გამზირისა და ვარდისუბნის ქუჩების გადაკვეთაზე;
• კუპრაძისა და თაყაიშვილის ქუჩების გზაჯვარედინზე;
• ბალანჩინის ქუჩაზე, ამერიკის საელჩოს მიმდებარედ;
• კახეთის გზატკეცილისა და მშვიდობის ქუჩის გადაკვეთაზე (სოფ. წინუბნის გადასახვევი);
• სარაჯიშვილის გამზირისა და იპოლიტოვ-ივანოვის ქუჩის გადაკვეთაზე;
• კოსტავას ქუჩისა და მიროტაძის ქუჩის გზაჯვარედინზე;
• შარტავას ქუჩის N42-ის მიმდებარედ;
• ვაზისუბნის დასახლებაში, პატარიძის ქუჩაზე, მე-3 და მე-4 მიკრორაიონებს შორის;

2019 წლის ბოლომდე შუქნიშნის ობიექტები ეტაპობრივად მოეწყობა:

• ჯავახეთის ქუჩისა და კახეთის გზატკეცილის პონდუსის გადაკვეთაზე;
• აგლაძისა და ხოშარაულის ქუჩების გადაკვეთაზე;
• წინამძღვრიშვილისა და გოგიბერიძის ქუჩების გზაჯვარედინზე;
• წერეთლის გამზირისა და მირცხულავას ქუჩის გადაკვეთაზე;
• შუამთისა და თრიალეთის ქუჩების გადაკვეთაზე, N117 საჯარო სკოლის მიმდებარედ;
• ხუდადოვის ქუჩისა და გარეჯის მე-3 შესახვევის გზაჯვარედინზე
• გორგასალის ქუჩაზე 300 არაგველის ობელისკის მიმდებარედ;
• გლდანის დასახლებაში, მე-6 და მე-5 მიკრორაიონებს შორის, „კარფური“-ის მიმდებარედ;
• ბოგდან ხმელნიცკის ქუჩა N48 ის მიმდებარედ;
• ჭიჭინაძისა და გუმათჰესის ქუჩების გადაკვეთაზე N94-ე და N131-ე საჯარო სკოლების მიმდებარედ;
• გახოკიძის ქუჩაზე N10-ის მიმდებარედ.

გარდა ამისა, რეკონსტრუქცია ჩაუტარდება შუქნიშნების ობიექტებს:

• თამარ მეფისა და დავით აღმაშენებლის გამზირების გადაკვეთაზე;
• თამარ მეფის გამზირისა და წინამძღვრიშვილის ქუჩის გზაჯვარედინზე;
• ბარათაშვილისა და ახვლედიანის აღმართის გადაკვეთაზე;
• მტკვრის მარცხენა სანაპიროსა და ბარათაშვილის ხიდის პანდუსის გადაკვეთაზე, რიყის პარკის მიმდებარედ;
• მტკვრის მარცხენა სანაპიროსა და იალბუზის ქუჩის გადაკვეთაზე.