თბილისის მერიამ მეორე მსოფლიო ომის ვეტერანებს ფინანსური დახმარება გაუწია

ფაშიზმზე გამარჯვების დღესთან დაკავშირებით, თბილისის მერიამ მეორე მსოფლიო ომის ვეტერანებსა და ამ ომში დაღუპულთა ოჯახის წევრებს ფინანსური დახმარება გაუწია.

თბილისის მერიის ჯანდაცვისა და სოციალური მომსახურების საქალაქო სამსახურმა „ომის ვეტერანთა დახმარების“ პროგრამის ფარგლებში, მეორე მსოფლიო ომის ვეტერანებს - 600 ლარი, ხოლო ამ ომში დაღუპულთა მეუღლეებს - 300 ლარი გადაურიცხა.

მუნიციპალიტეტის მერია, ჯამში, 130 პირს დაეხმარა. თანხის გადარიცხვა ვეტერანთა საქმეების სახელმწიფო დეპარტამენტის მიერ მოწოდებული ბაზის საფუძველზე განხორციელდა.

04 მაისი 2022