საგამოცდო ცენტრების მიმართულებით სპეციალური მარშრუტები დაწესდა

ერთიანი ეროვნული, საერთო სამაგისტრო, მასწავლებელთა გამოცდებიდან და სტუდენტთა საგრანტო კონკურსიდან გამომდინარე, დღეიდან 8 აგვისტომდე, სპეციალური მარშრუტები დაწესდა.

საზოგადოებრივი ტრანსპორტი აღნიშნულ პროცესში ჩართული ყველა პირის შეუფერხებელი გადაადგილების მიზნით, საგამოცდო ცენტრების მიმართულებით იმოძრავებს.

გლდანისა და მუხიანის დასახლებაში არსებული საგამოცდო ცენტრების მიმართულებით, ავტობუსები იმოძრავებენ მეტროსადგურ „ახმეტელის თეატრის“, კერძოდ, გობრონიძისა და ვეკუას ქუჩების კვეთის მიმდებარე ტერიტორიიდან. მესამე მასივში არსებული საგამოცდო ცენტრის მიმართულებით კი, ავტობუსი იმოძრავებს მეტროსადგურ „ვარკეთილის“ მიმდებარე ტერიტორიიდან.

რაც შეეხება მეტრომშენის დასახლებაში არსებულ საგამოცდო ცენტრს, აღნიშნული მიმართულებით საზოგადოებრივი ტრანსპორტი იმოძრავებს მეტროსადგურ „სამგორის“ ზედა გასასვლელიდან.

03 ივლისი 2023